31 C
Colombo
Thursday, January 21, 2021
මුල් පිටුව ආර්ථික ජනවාරි අවසානයේ සංචාරකයන්ට නිල වශයෙන්ම රට විවෘතයි

සෞඛ්‍ය මාර්ගෝපදේශ අනුව ජනවාරි අවසානයේ සංචාරකයන්ට ගුවන්තොටුපළ සහ රට නිල වශයෙන් විවෘත කිරීමට කටයුතු කරන බව සංචාරක ඇමැති ප්‍රසන්න රණතුංග ඊයේ (31 වැනිදා) ප්‍රකාශ කළේය.

ගුවන්තොටුපළ විවෘත කරන දිනය නිල වශයෙන් ඉතා කඩිනමින් ප්‍රකාශයට පත් කරන බවද ඇමැතිවරයා කියයි.

ජනවාරි අවසානයේ සංචාරකයන්ට දිවයිනට ගෙන්වීම සහ ගුවන්තොටුපොළ විවෘත කිරීම සම්බන්ධයෙන් සංචාරක ව්‍යාපාරයේ නිරත හෝටල්හිමියන්, ගුවන්සේවා සමාගම්, සංචාර සංවිධානය කරනු ලබන ආයතන මාර්ගෝපදේශකයන් සහ සංචාරක රියදුරන් සම්බන්ධ ආයතන සහ සංවිධාන සමග පැවති සාකච්ඡාවකදී ඇමැතිවරයා මේ බව සඳහන් කළේය.

මෙම සාකච්ඡාවට එක්වූ හෝටල් හිමියන්ගේ සංගමය මෙන්ම සංචාරක සංවිධානය කරන සංගම් අවධාරණය කළේ පවතින තත්ත්වය තුළ සංචාරක කර්මාන්තය යළි ආරම්භ කිරීම සඳහා රජය ගෙන ඇති ක්‍රියාමාර්ග සම්බන්ධයෙන් සිය සහාය පළ කරන බවයි.

හෝටල් සංගමයේ සභාපති සනත් උක්වත්ත මෙහිදී සඳහන් කළේ මෙම නියාමන ව්‍යාපෘතිය සංචාරක කර්මාන්තය ආරම්භ කිරීම සඳහා හොඳ පූර්වාදර්ශයක් සපයනු ඇති බවයි.

සාකච්ඡාවට එක් වූ කුඩා හා මධ්‍ය පරිමාණ සංචාරක ව්‍යාපාරිකයන්ගේ සංගමයේ එම්.බී. ජයරත්න මහතාද කුමන හෝ තත්ත්වයක් මත සංචාරක ව්‍යාපාරය යළි ආරම්භ කිරීම පිළිබඳ සිය ප්‍රසාදය පළ කළේය.

සංචාර සංවිධානය කරන්නන්ගේ සංගමය මහේන් කාරියවසම් මහතා කිවේ සංචාරකයන්ට රට විවෘත කිරීමේදී මෙවැනි තත්ත්වයන්ට මුහුණ දීමට සූදානම් විය යුතු බවයි.

පැමිණෙන සංචාරකයින් අතර කොවිඩ් ආසාදිතයෙකු වාර්තා වුවහොත් ඔවුන් සම්බන්ධයෙන් ගත යුතු සියලු‍ පියවර සෞඛ්‍ය මාර්ගෝපදේශ මගින් අදාළ සංචාරය සංවිධානය කරන්නන්ට හා හෝටල්වලට ලබා දී ඇති බවත් ඔවුන් එය නිසි ලෙස ක්‍රියාත්මක කරන්නේ දැයි සෞඛ්‍ය බලධාරීන් සහ සංචාරක සංවර්ධන අධිකාරිය දැඩි අධීක්ෂණයකට ලක් කර ඇති බවත් ඇමැතිවරයා සඳහන් කළේය.

Leave a Reply

අදහසක් තබා යන්න

කරුණාකර ඔබගේ අදහස් ඇතුළත් කරන්න.
කරුණාකර ඔබගේ නම ඇතුලත් කරන්න

- Advertisment -

ජනප්‍රිය ලිපි

වසංගතය හේතුවෙන් වැසූ ගුවන් තොටුපොළ යළි විවෘත කෙරේ

කොවිඩ් වසංගතය හේතුවෙන් වැසූ කටුනායක සහ මත්තල ගුවන් තොටුපොළ අද (21) සිට යළි සංචාරකයින් සඳහා විවෘත කෙරුණි. එළෙස ගුවන් තොටුපොළ විවෘත කෙරුණේ මාස...

මහින්ද හා සජිත් ඇමරිකානු ජනාධිපතිට හා අගමැතිට සුබ පතයි

අගමැති මහින්ද රාජපක්‍ෂ මහතා හා විපක්ෂ නායක සජිත් ප්‍රේමදාස මහතා ඇමරිකානු අභිනව ජනාධිපතිවරයට හා අගමැතිවරියට සුබ පැතුම් එක්කර තිබේ. අමෙරිකාවේ 46 වන...

බස්නාහිර පාසල් පෙබරවාරි 15 සිට ආරම්භ කරනවා

බස්නාහිර පළාතේ පාසල් පෙබරවාරි මස 15 වනදා වන විට ආරම්භ කිරීමට අපේක්ෂා කරන බව අධ්‍යාපන ලේකම් මහාචාර්ය කපිල පෙරේරා මහතා පවසයි. ලේකම්වරයා පෙන්වාදෙන්නේ...

කන්න පොල් ගෙඩියක් සොරාකම් කළාට ලක්ෂයක් ඇප ඉල්ලයි

කන්න නැතිකමට පොල් ගෙඩියක් සොරාකම් කළාට රු.100000ක ඇප නියම කිරීමේ පුවතක් වාර්තා වේ. ගම්පහ, නීලමහර ප්‍රදේශයේ වත්තකට ඇතුළු වී කන්න පොල් ගෙඩියක් සොරකම් කළේ...

පාඨක අදහස්