මුස්ලිම් ජාතික කවියාට නීතිඥවරුන් හමුවීමට ඉඩ දෙන්නැයි නියෝග

136
Ads by AOL

මුස්ලිම් ජාතික කවියාට නීතිඥවරුන් හමුවීමට ඉඩ දෙන්නැයි නියෝග

මුස්ලිම් අන්තවාදයට ආධාර අනුබල ලබාදීමේ චෝදනාව මත අත්අඩංගුවට ගෙන රැඳවුම්භාරය යටතේ බන්ධනාගාර ගත කර සිටින

Ads by AOL
Sri Lankan Matrimony

අනාෆ් ජසීම් මහතා මුණගැසීම සඳහා ඔහුගේ නීතිඥයන්ට අවසර ලබාදෙන්නැයි ඊයේ ශ්‍රේෂ්ඨාධිකරණය නියෝග කර තිබේ.

සාහිත්‍ය නිර්මාණ හරහා අන්තවාදයට අනුබල ලබාදුන් බවට චෝදනා කරමින් අනාෆ් ජසීම් මාස 10 ක පමණ කාලයක් තිස්සේ අත්අඩංගුවේ පසුවේ.

ඔහු දමිළ භාෂාවෙන් කාව්‍ය නිර්මාණ සිදු කරන මුස්ලිම් ජාතික කවියෙකි.

සිය කාව්‍ය නිර්මාණ හරහා ඔහු අන්තවාදයට ආධාර අනුබල ලබාදී ඇති බවයි පොලීසිය පවසන්නේ.

අධිකරණයකට ඉදිරිපත් නොකර රැඳවුම් භාරයේ තබාගෙන සිටින තමාව නිදහස් කිරීම සඳහා නියෝගයක් නිකුත් කරන්නැයි ඉල්ලා

ඔහු ගොනුකළ මූලික අයිතිවාසිකම් පෙත්සම ඊයේ ශ්‍රේෂ්ඨාධිකරණය හමුවේ කැඳවා තිබිණි.

ඒ මුර්දු ප්‍රනාන්දු, යසන්ත කෝදාගොඩ, ශිරාන් ගුණරත්න යන මහත්ම මහත්මී‍න්ගෙන් සමන්විත ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල හමුවේයි.

පෙත්සම්කරු වෙනුවෙන් පෙනී සිටි නීතිඥයන් පෙන්වා දුන්නේ පසුගිය මැයි මාසයෙන් පසුව සිය සේවාදායකයා අධිකරණය වෙත ඉදිරිපත් කර නොමැති බවයි.

ඒ අනුව සිය සේවාදායකයා හමුවීම සඳහා කිසිදු අවස්ථාවක් හිමිව නොමැති බවත්, එය පෙත්සමේ ඉදිරි කටයුතු සඳහා බාධාවක් බවත් නීතිඥවරුන් පෙන්වා දී තිබේ.

නීතිපතිවරයා වෙනුවෙන් කරුණු දැක්වූ අතිරේක සොලිසිටර් ජනරාල් නෙරින් පුල්ලේ මහතා සඳහන් කළේ රඳවා ගැනීමේ නියෝගය අවසන්වීමෙන් පසුව ඔහු මහේස්ත්‍රාත් අධිකරණය වෙත ඉදිරිපත් කරන බවයි.

සැකකරු වෙනුවෙන් ඉදිරිපත් කර ඇති මූලික අයිතිවාසිකම් පෙත්සමට එරෙහිව නීතිපතිවරයා විසින් සීමිත විරෝධතා ගොනුකර ඇති බවද ඔහු පවසා තිබේ.

කරුණු සලකා බැලූ ශ්‍රේෂ්ඨාධිකරණ විනිසුරු මඩුල්ල, රිමාන්ඩ් බන්ධනාගාර ගතව සිටින අනාෆ් ජසීම් හමුවීම සඳහා නීතිඥවරුන්ට අවස්ථාව ලබාදෙන ලෙසට බන්ධනාගාර නිළධාරීන් වෙත නියෝග කර තිබේ.

පෙත්සම වැඩිදුර සලකා බැලීම සැප්තැම්බර් 08 වැනිදා දක්වා කල්තබා තිබේ.

අන්තවාදය හිස ඔසවන්නේ නැතැයි පොරොන්දු දෙන්න බැහැ

මුස්ලිම් ජාතික කවියාට නීතිඥවරුන් හමුවීමට ඉඩ දෙන්නැයි නියෝග

Ads by AOL
Sri Lankan Matrimony

Leave a Reply