31 C
Colombo
Thursday, January 21, 2021
මුල් පිටුව දේශපාලන 17 දෙනෙක් සහභාගී වූ තරඟයෙන් 14 වැනියා වී මාලගමුව රටම ඇන්දූ හැටි

කොවිඩ් වසංගතය පිළිබඳව රටේම කතාබහට ලක්වෙද්දී මෝටර් රථ ධාවන ශූර ඩිලන්ත මාලගමුව මහතා පසුගියදා සහභාගි වූ මෝටර් රථ ධාවන තරගයකින් ලෝකයෙන්ම දෙවැනි ස්ථානයට පත්ව ඇති බව ඇතැම් මාධ්‍ය වාර්තා කර තිබිණි. ඇතැම් පුවත්වල සඳහන් වූයේ එය ලංකාවට පමණක් නොව සමස්ත ආසියාවටම අභිමානයක් බවයි.

ආසියාවටම අභිමානයක් බව පවසන මෙම ජයග්‍රහණය පිළිබඳව මෙරට මාධ්‍ය තුළ කතාබහට ලක් වුවද ආසියාවේ වෙනත් රටවල කිසිදු මාධ්‍යයකින් ආවරණය කර නොතිබිණි.

මෙතරම් කතාබහට ලක්වන මෙම තරගාවලිය පිළිබඳව අප අවධානය යොමුකළ අතර මාලගමුව සහභාගි වී තිබෙන්නේ ස්පාඤ්ඤයේ බාසිලෝනා නුවර පැවති යුරෝපා සුපර් ට්‍රොෆියෝ නමැති මෝටර් රථ තරගාවලියටයි. 

එම සමස්ත තරගාවලියටම සහභාගි වී තිබෙන්නේ මෝටර් රථ ධාවකයන් 17 දෙනෙකු පමණි. කාණ්ඩ හතරකින් තරග පැවති අතර මාලගමුව සහභාගි වූයේ AM CUP කාණ්ඩය සඳහායි. එම කාණ්ඩයේ තරග දෙකක් පැවති අතර ඉන් එක් තරගයකදී මාලගමුව තෙවැනි ස්ථානයට පත් වූ අතර අනෙක් තරගයෙන් දෙවැනි ස්ථානය ලබාගෙන තිබේ.

 


බැලූ බැල්මට එය සුපිරි ජයග්‍රහණයකි. ඔහු ලෝකයෙන්ම දෙවැනියාය. රටට ආසියාවට පමණක් නොව සමස්ත ලෝකයටම අභිමානයකි.

 

AM CUP කාණ්ඩය සඳහා සහභාගි වී ඇති සමස්ත ධාවකයන් සංඛ්‍යාව තුන් දෙනෙකි. ඩිලන්ත මාලගමුව එක් තරගයකදී තුන්වැනියා වන්නේ ධාවකයන් තුන් දෙනෙකු අතරිනි. තවත් විදියකින් කිවහොත් ඔහු එම තරගයේ අන්තිමයාය. අනෙක් තරගයේදී එක් ධාවකයෙකු අවසන් වටයේදී තරගයෙන් ඉවත් වන්නේ ඔහුගේ ලැම්බොගිනි රථය කාර්මික දෝෂයකට ලක්වීම හේතුවෙනි. ඒ අනුහසින් මාලගමුවට දෙවැනි ස්ථානය ලබා ගැනීමට හැකියාව ලැබේ.

තරගාවලියට සහභාගි වූ සමස්ත ධාවකයන් අතරින් මාලගමුවට හිමිව ඇත්තේ 14 වැනි ස්ථානයයි. ඔහුට පිටුපසින් සිටින්නේ තවත් ධාවකයන් තුන් දෙනෙකු පමණි. මාලගමුව මේ බව කියන්නේ නැත. ඔහු කියන්නේ තමන්ගේ කාණ්ඩයේ තුන් දෙනෙකු සහභාගි වූ තරගවල ලබාගත් දෙවැනි හා තෙවැනි ස්ථාන පිළිබඳව පමණි.

ආසියාවටම අභිමානයක් වූ මාලගමුවගේ සුපිරි ලැම්බොගිනි ධාවනය එසේය.

මෙම තරගාවලිය පිළිබඳව මෙරට මාධ්‍ය කෙතරම් උදම් ඇනුවද ලෝකයේ එතරම් කතාබහට ලක්වන තරගාවලියක් නොවේ. තරගාවලියට අදාල වෙබ් අඩවියට පිවසීමෙන් එය තහවුරු කරගත හැකිය.

මාලගමුව මෙම තරගාවලියට පිටත්ව යන්නේ රජයෙන් ලැබුණු විශේෂ අවසරයක් මතයි. ඒ කොරෝනා අවදානම හේතුවෙන් ශ්‍රී ලාංකිකයන්ට විදෙස්ගතවීමට දැඩි සීමා පනවා තිබීම හේතුවෙනි.

තරගාවලිය සඳහා රාජ්‍ය අනුග්‍රහය ලබාදෙන ලෙස මාලගමුව ක්‍රීඩා අමාත්‍ය නාමල් රාජපක්ෂ මහතාගෙන් ඉල්ලා ඇති අතර නාමල් රාජපක්ෂ මහතා ඒ බව අගමැතිවරයාට දැනුම් දී තිබේ. එහිදී අගමැතිවරයා එය ප්‍රතික්ෂේප කරමින් නාමල් රාජපක්ෂ මහතාට පවසා තිබෙන්නේ මෙවැනි ලෝක හොරුන්ට රාජ්‍ය අනුග්‍රහය ලබාදීමට තමා සූදානම් නොමැති බවයි. මෙවැනි පුද්ගලයන් නැවත තමා වෙත රැගෙන නොඑන ලෙසටද අගමැතිවරයා සිය පුත්‍රයා වෙත පවසා තිබෙනවා.

ඩිලන්ත මාලගමුවට නාමල් රාජපක්ෂ මහතා ඇන්දීමට හැකි වූ නමුත් දේශපාලනයේ හසළ අත්දැකීම් ඇති මහින්ද රාජපක්ෂ මහතා ඇන්දීමට මාලගමුව අසමත් වී තිබේ.

ඩිලන්ත මාලගමුව යනු මීට වසර ගණනාවකට පෙර ජපානය, මැලේසියාව යන රටවල සිටි පුද්ගලයෙකි. ඔහු හදිසියේ අහසින් කඩා වැටුනාක් මෙන් ශ්‍රී ලංකාවට පැමිණ ජාතික කොඩිය සිය මෝටර් රථයේ ප්‍රදර්ශනය කරමින් අමුතු ගමනක නිරත විය.

මේ පිළිබඳව අදහස් දක්වන මෙරට මෝටර් රථ ධාවන ක්ෂේත්‍රයේ ප්‍රවීනයන් පවසන්නේ ඔහු කැමැත්තෙන් ශ්‍රී ලංකාවට පැමිණියා නොව ශ්‍රී ලංකාවට පැමිණීම හැර වෙනත් විකල්පයක් ඔහු නොතිබූ බවයි. මාලගමුව ජපානයේ හා මැලේසියාවේ ගසා ඇති ගේම්වල හැටියට ඔහුට නැවතත් එම රටවලට යාමට නොහැකි බවයි එම ප්‍රවීනයන් පවසන්නේ.

එතැන් පටන් රට ජාතිය විකුණමින් ජාතික කොඩිය අලෙවි කරමින් අමුතු ගේමක නිරත වූ මාලගමුව විටින් විට විදෙස් රටවල සංවිධානය වන ධාවන තරගවලට සහභාගි වන අතර එම කිසිදු තරගාවලියක් පිළිබඳව ඉන් පෙර කිසිදු ශ්‍රී ලාංකිකයෙකු දන්නේ නැත. 

මාලගමුව කරන්නේ ලෝකයේ කොහේ හෝ‍ කොනක ක්‍රීඩකයන් දෙතුන් දෙනෙකු සහභාගි වන තරගාවලියකට සහභාගි වීමයි. එවිට ඔහු අන්තිමයා වුවද රටේ ජනතාවට පෙනෙන්නේ ඔහු තෙවැනියා වී ඇති බවකි. තරගයට සහභාගි වූ ධාවකයන් ප්‍රමාණය ගැන කිසිවෙකු සොයා බලන්නේ නැත.

ජාත්‍යන්තරය ජය ගත් බව පවසන බොහෝ ශ්‍රී ලාංකික ක්‍රීඩකයන්, කලාකරුවන් වැනි අය නිරත වන ගේම් එක මෙයයි. ලොව කුමන හෝ කොනක පැවැත්වෙන ඉසව්වකට, එසේ නැතහොත් විදෙස්ගත ශ්‍රී ලාංකිකයන් විසින් සංවිධානය කරන ඉසව්වකට සහභාගි වී ලෝකය ජය ගත්තා යැයි උදම් අනයි. මෙවැනි පුද්ගලයන් ඒ හරහා රටම ඇන්දීමට උත්සාහ කළද ඇඳගෙන සිටින්නේ තමාම බව කුමන මොහොතක හෝ ‍තේරුම් යනු ඇත.

 

පෙර ලිපිය පෙන්වන්නකහ ආනයනය නොකර බාස්මතී ආනයනය කරන්නේ ඇයි.?
ඊළඟ ලිපිය පෙන්වන්නඅලුත් iPhone 12 එකතුව

Leave a Reply

අදහසක් තබා යන්න

කරුණාකර ඔබගේ අදහස් ඇතුළත් කරන්න.
කරුණාකර ඔබගේ නම ඇතුලත් කරන්න

- Advertisment -

ජනප්‍රිය ලිපි

වසංගතය හේතුවෙන් වැසූ ගුවන් තොටුපොළ යළි විවෘත කෙරේ

කොවිඩ් වසංගතය හේතුවෙන් වැසූ කටුනායක සහ මත්තල ගුවන් තොටුපොළ අද (21) සිට යළි සංචාරකයින් සඳහා විවෘත කෙරුණි. එළෙස ගුවන් තොටුපොළ විවෘත කෙරුණේ මාස...

මහින්ද හා සජිත් ඇමරිකානු ජනාධිපතිට හා අගමැතිට සුබ පතයි

අගමැති මහින්ද රාජපක්‍ෂ මහතා හා විපක්ෂ නායක සජිත් ප්‍රේමදාස මහතා ඇමරිකානු අභිනව ජනාධිපතිවරයට හා අගමැතිවරියට සුබ පැතුම් එක්කර තිබේ. අමෙරිකාවේ 46 වන...

බස්නාහිර පාසල් පෙබරවාරි 15 සිට ආරම්භ කරනවා

බස්නාහිර පළාතේ පාසල් පෙබරවාරි මස 15 වනදා වන විට ආරම්භ කිරීමට අපේක්ෂා කරන බව අධ්‍යාපන ලේකම් මහාචාර්ය කපිල පෙරේරා මහතා පවසයි. ලේකම්වරයා පෙන්වාදෙන්නේ...

කන්න පොල් ගෙඩියක් සොරාකම් කළාට ලක්ෂයක් ඇප ඉල්ලයි

කන්න නැතිකමට පොල් ගෙඩියක් සොරාකම් කළාට රු.100000ක ඇප නියම කිරීමේ පුවතක් වාර්තා වේ. ගම්පහ, නීලමහර ප්‍රදේශයේ වත්තකට ඇතුළු වී කන්න පොල් ගෙඩියක් සොරකම් කළේ...

පාඨක අදහස්