31 C
Colombo
Wednesday, September 30, 2020
මුල් පිටුව ගොසිප් "සමහර දේවල් දෛවයට භාරදෙන්න වෙනවා, මට කිසිම තරහක් නෑ"- වසර දෙකක් යන්නත්...

නව පරපුරේ නිළියක් වන වොල්ගා කල්පනා සිය පළමු විවාහයේ සැමියා වූ නව පරපුරේ නළුවකු වන හර්ෂණ බෙත්ගමගේ ගෙන් නීත්‍යානුකූලව වෙන්ව තිබේ.

සිය වෙන්වීම සම්බන්ධයෙන් ඇය දරන්නේ මෙවැනි අදහසකි.

ඔබගේ විවාහ දිවිය බිඳ වැටීම ගැන විවිධ මත පළවෙනවා නේද?

ඔව්. මම ඔය ප්‍රශ්නය ගැන කතා කරද්දී මම කියන්න කැමැති මම දික්කසාද වෙලා කියන දේ විතරයි. එතනින් එහාට ආශිර්වාද කරපු හැමෝටම ගොඩක් ස්තුතියි සහ සමාවෙන්න කියන්න ඕනේ. ඉතින් මොකද කරන්නේ ඒකට. ඒක කර ගන්න බැරි වුණා. ඒක එහෙම වුණා.

ඉදිරියේදී තනිකඩවම ජීවත් වෙනවාද?

තාම හිතුවේ නැහැ ඇත්තටම. හැබැයි මම කියන්නෙ ඕනේ ජීවිතේ කිසි කෙනෙක් එක්ක කිසිම තරහක් නැහැ. මම දන්නේ ජීවිතේ කියන්නේ ලියවිලා තියන දෙයට මුහුණ දෙන එක කියලයි. මොකක් හරි දෙයක් ලියැවිලා තියනවා නම් ඒ දෙයට මම මුහුණ දෙයි.

ඒ කියන්නේ ජිවිතේ සැලැස්මක් ඇතුව ජීවත් වෙන්න බැහැ කියන එකද?

මම කතා කළේ දෛවය ගැනයි. දෛවයේ සමහර තැන් තියෙනවා අපි කොච්චර උත්සහ කළත් බැරී වෙන දේවල් සහ බැරි වෙච්ච දේවල්. ඒ වගේ බැරි වෙච්ච දෙයක් තමයි මම පහුගිය කාලේ පසු කළේ. ඉතින් සමහර දේවල් තියෙනවා ජීවිතේ දෛවයේ තියෙන දේවල් වෙනස් කරන්න බැහැ. අපි ඒකට මුහුණ දෙනවා ඇරෙන්න අපිට වෙන කරන්න දෙයක් නැහැ. ජීවිතේ අපිට මේ ලැබිලා තියෙන දේ අපි බාර ගන්න ඕනා. ඒක තමයි ජීවිතය.

හර්ෂණ සමඟ විවාහ වීමට ගත්තු තීරණය ගැන ඔබ පසුතැවෙනවාද?

කිසිසේක්ම නැහැ. ජීවිතේ මේතාක්කල් මං එකම වැරදි තීරණයක්වත් අරගෙන නැහැ. එදා වුණත් මං ගත්තේ හරි තීරණයක්. වෙන් වෙන්න හිතාගෙන කවදාවත් අපි ආශ්‍රය කරලත් නැහැ. මං දැඩිව ජේසුතුමන්ව, බුදුන් වහන්සේව, දෙවියන්ව අදහන කෙනෙක්. මේක තමයි කර්මය. දෙයක් වෙන්න තියෙනවා නම් වළක්වන්න බැහැනේ.

නැවත විවාහයක් ගැන හිතන්න අදහසක් නැතිද?

තවම ඒ ගැන හිතුවෙ නැහැ. අපේ ජීවිතයට සමහරු එනවා. ඇවිත් යනවා. මේ වෙලාවේ මගේ තාත්තා කියලා දීපු දෙයක් මතක් වෙනවා. ඔහු මට නිතරම ඉවසීම පුරුදු කළා. හැමදාමත් මට සතුට ගෙන ආවේ ඒ පුරුද්ද. අදටත් මට සතුටක් තියෙන්නේ මෙච්චර දේවල් වෙලත් මට මිනිස්සු සලකන විදියට තමයි.

ගැහැනු ළමයෙකුට විදියට මේ වෙන් වීම සිතට දැනුණේ කොහොමද? සාමාන්‍යයෙන් ගැහැනු ළමයින් හරිම සංවේදීයි.

ඔව්. ඇත්තටම එහෙමයි. අපේ දික්කසාදය මට හිතට දැනුණේ. ඒත් අපි හිතන්න ඕනි මේවා පින් පව් අනුව සිදුවන දේවල්. දුකක් වුණත් දරා ගන්න පුළුවන් ඒවා ගැන හිතද්දී. හර්ෂණත් වෘත්තීමය නළුවෙක්. මමත් එහෙමයි. නිළිකමනේ වෘත්තිය. නමුත් අපි දෙන්නාට නැති ප්‍රශ්න මිනිසුන්ට තියෙනවා. සමහරු අපිව විවේචනය කරනවා. ඇතැම් විට ඔවුන් ආස ඇති අපිව එකට දකින්න. අපි මැරෙන මිනිස්සුනේ. රංගන ශිල්පිනියක් විදියට මට වැඩ කරන්න අවස්ථාව ලැබිලා තියෙනවා. අපේ රටේ මිනිස්සු හිතන්න ඕනි නිළිකම කියන්නේ වැදගත් වෘත්තියක් කියන එක. අද ඊයේ ආව මොඩ්ලර්ස්ලා හින්දා ඒ ගරුත්වය අඩුවෙලා තියෙන්නේ. මම විතරක් නෙවෙයි ඩොක්ටර්ස්ලත් ඩිවෝස් වෙනවා. ලෝයර්ලත් ඩිවෝස් වෙනවා.

Leave a Reply

අදහසක් තබා යන්න

කරුණාකර ඔබගේ අදහස් ඇතුළත් කරන්න.
කරුණාකර ඔබගේ නම ඇතුලත් කරන්න

- Advertisment -

ජනප්‍රිය ලිපි

වෛද්‍යවරුන්ට ගුවනින් යන්න ජෙට් ඇඳුමක්

අසනීප වූ පුද්ගලයෙක්ට කඩිනමින් ප්‍රතිකාර ලබාදීම සඳහා, වෛද්‍යවරයාට අසනීපවූ පුද්ගලයා වෙත ගුවනින් යා හැකි “ජෙට් ඇඳුමක්”, එංගලන්තයේ “ග්‍රේට් නොර්ත් ගිලන්රථ සේවය” විසින්...

වෙබ් මාධ්‍යවේදියාට ඇප

අධිකරණ කටයුතුවලට බාධා වන ආකාරය පුවතක් පළ කළේ යයි අත්අඩංගුව ගෙන රක්ෂිත බන්ධනාගාරගත කර සිටි වෙබ් මාධ්‍යවේදී ඩෙස්මන් චතුරංග ද අල්විස්  ඇප...

ජනතාවගේ පරමාධිපත්‍ය බලය පුද්ගලයෙක් වටා එක්වෙනවට අපි විරුද්ධයි

ජනතාව විසින් ජනාධිපතිවරයාට ලබා දී ඇත්තේ විධායක බලය මිස ව්‍යවස්ථාදායක බලය නොවන බව එක්සත් ජාතික පක්ෂයේ මහ ලේකම් අකිල විරාජ් කාරියවසම් මහතා...

පොල් ගසා මහාධිකරණ දොරටුව අසල අළු ඉසී

මාධ්‍යවේදී ප්‍රගීත් එක්නැලිගොඩගේ බිරිඳ සන්ධ්‍යා එක්නැලිගොඩ විසින් කොළඹ මහාධිකරණයට පිවිසෙන දොරටුව අසල ඊයේ (29 වැනිදා) අළු ඉසීමක් සිදුකර තිබේ. එක්නැලිගොඩ අතුරුදන් කිරීමේ සිද්ධියට...

පාඨක අදහස්