27 C
Colombo
Monday, February 24, 2020
මුල් පිටුව තාක්ෂණික වායුගෝලය බරපතල ලෙස අපිරිසිදු වෙලා.. ලංකාවත් තවත් දිල්ලියක් වෙයිද?

මිනිස් ශරීරයට දැඩි අහිතකර නැණෝ පරිමාණයේ ප්ලාස්ටික් අංශු විශාල ප්‍රමාණයක් නගරාශ්‍රිත වායු ගෝලයේ ව්‍යාප්ත වී ඇතැයි පේරාදෙණිය විශ්වවිද්‍යාලයේ විද්‍යා පශ්චාත් උපාධි ආයතනයේ අධ්‍යක්ෂ මහාචාර්ය ඒ. පිටවල මහතා පවසයි.

මෑතකදී සිදුකළ පර්යේෂණයක් අනුව කොළඹ, මහනුවර ඇතුළු දිවයිනේ ප්‍රධාන නගර ආශ්‍රිතව Micro Scal Plastic ඝනයට අයත් වන නැණෝ ප්ලාස්ටික් අංශු විශාල ප්‍රමාණයක් ව්‍යාප්තවී තිබෙන බවත් මේ හේතුවෙන් ඉදිරියේදී බරපතළ සෞඛ්‍ය අවදානමක් මතුවිය හැකි යැයි පේරාදෙණිය විශ්වවිද්‍යාලයේ විද්‍යා පශ්චාත් උපාධි ආයතනයේදී අද (07) පැවති මාධ්‍ය හමුවකට එක්වෙමින් මහාචාර්යවරයා මේ බව ප්‍රකාශ කළේය.

පසුගිය වකවානුවේදී ඇස්බැස්ටෝස් තහනම් කළේ මිනිස් ශරීරයට හානිකර බැවින් වන නමුත් මෙම ප්ලාස්ටික් අපද්‍රව්‍ය ඊටත් වඩා අහිතකර යැයි පේරාදෙණිය විශ්ව විද්‍යාලයේදී මෙම මස 09 හා 10 දෙදින තුළදී පැවැත්වීමට නියමිත පරිසර හා සංඛ්‍යාන පිළිබඳ ජාත්‍යන්තර සමුළුව පිළිබදව දැනුවත් කිරීමේ මාධ්‍ය හමුවට එක්වෙමින් මහාචාර්යවරයා මේ බව කීවේය.

සීඝ්‍ර නාගරීකරණයෙන් යුතු ප්‍රදේශවල හා නගරබදව අහිතකර මිනිස් ක්‍රියාකාරකම් හේතුවෙන් නැණෝ ප්‍රමාණයේ ප්ලාස්ටික් අපද්‍රව්‍ය නිකුත්වන බවත් පොලිතීන්, ප්ලාස්ටික් ඇතුලු ඝන අපද්‍රව්‍ය ඊට බෙහෙවින් අහිතකර අයුරින් දායකවී ඇතැයි මහාචාර්යවරයා පෙන්වා දුන්හ.

ඝර්ම කලාපීය රටක් වන ශ්‍රී ලංකාවේ නිරන්තරයෙන් වෙනස්වන පරිසර සාධක මත නැණෝ ප්‍රමාණයේ ප්ලාස්ටික් අංශු සකස්වීම ඉතා සීඝ්‍රයෙන් සිදුවන බව කී ඒ මහතා නගරයේ දූවිලි සහිත ස්ථාන, ජල මාර්ග සහ අවසාදිත පාංශුවල විශාල වශයෙන් මෙම ප්ලාස්ටික් නිරීක්ෂණය වුණූ බව කීවේය.

ආශ්වාස කිරීම මෙන්ම ජලයට එක්වූ නැණෝ ප්ලාස්ටික් ආහාර මගින්ද මිනිස් ශරීරයට ඇතුලත් වන බවත් මෙම තත්ත්වය වළක්වා ගැනීමට විධිමත් පියවර ගත යුතුව ඇතැයි මහාචාර්ය එ.පිටවල මහතා සදහන් කළේය.

වාහන බ්‍රේක් ලයිනර් සකස් කරන්නේද ඇස්බැස්ටෝස් විශේෂයකින් බව බවත් එයින් නිපදවන දූවිලි අංශු සහිත අපද්‍රව්‍ය නිවාසවල සෙවිලි තහඩුවලට වඩා බෙහෙවින් හානිකර බව කී මහාචාර්යවරයා පරිසරයට හානිකර ද්‍රව්‍ය පාලනයේදී විධිමත් විමර්ශනයක් අනුව අදාළ පියවර ගත යුතුව ඇතැයි කීවේය.

පේරාදෙණිය විශ්ව විද්‍යාලය ඇතුලුව පර්යේෂණ කරන ආයතන වසර ගණනාවක් තිස්සේ සෞඛ්‍ය අවදානම් පවතින විවිධ අංශ පිළිබදව දත්ත ගණනාවක් ඉදිරිපත් කර ඇති නමුත් ඒ සම්බන්ධයෙන් බලධාරීන්ගේ අවධානය යොමුවන්නේ ඉතාම අල්ප වශයෙන් යැයි ද මහාචාර්යවරයා සදහන් කළහ.

පේරාදෙණිය විශ්ව විද්‍යාලයේ විද්‍යා පීඨයේ පීඨාධිපති මහාචාර්ය සාලුක කොඩිතුවක්කු මහතා, එම පීඨයේ පරිගණක සහ සංඛ්‍යාන විද්‍යා දෙපාර්තමේන්තුවේ ජ්‍යෙෂඨ මහාචාර්ය පුෂ්පා විජේකෝන් මහත්මිය ද මෙහිදී අදහස් පළ කළහ.

Leave a Reply

අදහසක් තබා යන්න

කරුණාකර ඔබගේ අදහස් ඇතුළත් කරන්න.
කරුණාකර ඔබගේ නම ඇතුලත් කරන්න

- Advertisment -

ජනප්‍රිය ලිපි

අප්‍රේල් වෙනකම් වෙන්කළ මුදල් වලට රජය මොකද කළේ?

2020 අප්‍රේල් මාසයේ අවසානය දක්වාම වැය කිරීම සඳහා මුදල් අතුරු සම්මත ගිණුම මඟින් එක්සත් ජාතික පෙරමුණු ආණ්ඩුව වෙන්කර තිබුණු නමුත් වත්මන් ආණ්ඩුව...

එයාර් බස් ගනුදෙනුවෙන් හොරකම් කරපු කට්ටිය ගැන දැන් හෙළිවෙලා

තට්ටු මාරු ක්‍රමයට කෙරෙන හොරකම් නැවැත්වීමට නම් දෙපැත්තේම සිටින කම්බා හොරුන් මෙවර මහමැතිවරණයේදී පරාජය කිරීමේ වගකීම ජනතාව වෙත පැවරී ඇති බව එක්සත්...

අපි සයින්දමරුදු ගැසට් එක අත්සන් කළේ කියවල බලන්නේ නැතුව

සයින්දමරුදු බල ප්‍රදේශයෙහි නව නගර සභාවක් ස්ථාපනය කිරීම සඳහා ගැසට් නිවේදනය පසුගිය 14 වනදා නිකුත් කෙරුණු බවක් කැබිනට් මණ්ඩලය දැන සිටියේ නොමැති...

“රනිල් ආණ්ඩුව භාර දෙනකොට ගන්න එපා කියල මම කිව්වා”- මහින්දගෙන් ජනපතිට චෝදනා

ජනාධිපතිවරණ ජයග්‍රහණයෙන් පසු රනිල් භාරදුන් ආණ්ඩුව බාරගැනීමට තමන් මුලදීම විරුද්ධ වුණු බව අග්‍රාමාත්‍ය මහින්ද රාජපක්ෂ මහතා පවසයි. පාර්ලිමේන්තුවේ...

පාඨක අදහස්