31 C
Colombo
Friday, August 7, 2020
මුල් පිටුව ක්‍රීඩා ඩකා රැළියේ මෝටර් රථ ශූරතාව සේන්ස්ට

ඩකා රැළියේ මෝටර් රථ ශූරතාව සේන්ස්ට

සවුදි අරාබියේදී පැවැති 2020 ඩකා රැළියේ මෝටර් රථ ශූරතාව දිනාගැනීමට පැය 42:59:17 කින් එහි අදියර 12 නිමා කළ ස්පාඤ්ඤයේ කාර්ලෝස් සේන්ස් සමත් විය. මෙවර රැළියේ අවසන් අදියරේ 6 වැනියා බවට පත් වූ සේන්ස්, ඩකා රැළියක සමස්ත ශූරතාව දිනාගත් තෙවැනි අවස්ථාව ලෙසද මෙය වාර්තා අතරට එක්විය. මින් පෙර ඔහු 2010 සහ 2018 වසර වලදීද ඩකා රැළිය ජය ගෙන තිබිණ.

ඉකුත් වසරේදී (2019) පැවැති ඩකා රැළියේ ශූරයා බවට පත්වූ කටාර් රාජ්‍යයේ නසර් අල් අතියාට (පැය 43:05:38) වඩා මිනිත්තු 6 යි තත්පර 21 ක පරතරයක් තබාගනිමින් සේන්ස් රැළිය අවසන් කළේය. රැළියේ අවසන් අදියර ජයගැනීමට අල් අතියා සමත් වුවද, එහිදී ඔහුට තමා සහ සේන්ස් අතර පැවැති මිනිත්තු 10 ක පමණ පරතරය බිඳ දැමීමට නොහැකි විය.

මේ වන විට 57 වැනි වියේ පසුවන සේන්ස්ගේ සහයක රියදුරා ලෙස ස්පාඤ්ඤයේ ලූකස් ක්‍රස් කටයුතු කළේය. මුල් අදියර දෙකේදී වැඩි යමක් නොකළද, තෙවැනි අදියර ජයගැනීමත් සමග සේන්ස් සහ ලූකස් සමස්ත ලකුණු සටහනේ පෙරමුණට පැමිණියහ.

නැවතත් ක්‍රියාත්මක වූ සේන්ස් 5 වැනි අදියරත් ජයගනිමින් සෙසු තරගකරුවන් සහ තමා අතර පැවැති පරතරය මිනිත්තු 6 ක් දක්වා ඉහළ දමාගත්තේය. රැළියේ 7 වැනි අදියර ජය ගැනීමට සේන්ස් සමත්වන විට එම පරතරය මිනිත්තු 10 ක් දක්වා ඉහළ ගොස් තිබිණ. ඉන් නොනැවතුන සේන්ස්, මෙවර රැළියේ සිවුවැනි අදියර ජයත් වාර්තා කරමින් 10 වැනි අදියරේ ජයද තමන් සතුකර ගත්තේය.

සිවුවැනි අදියර ජය වාර්තා කරන විට සේන්ස්, සිය ප්‍රබලම ප්‍රතිවාදීන් දෙදෙනා වූ අල් අතියාට සහ ස්ටීවන් පීටර්හැන්සල්ට (පැය 43:09:15) වඩා මිනිත්තු 18 ක් පමණ ඉදිරියෙන් සිටියේය. රැළියේ අවසන් අදියර දෙකේදී වැඩි අවදානමක් නොගෙන තරග වැදීම සඳහා සේන්ස්ට එය මනා පිටුවහලක් විය.

දෙවරක් ෆෝර්මියුලා 1 ලෝක ශූරතාව දිනා සිටින ෆනෑන්ඩෝ ඇලන්සෝ සිය මංගල ඩකාර් රැළිය නිමා කලේ සේන්ස්ට වඩා පැය 5 කට පමණ පසුව සමස්ත රැළියේ 13 වැනි ලෙසිනි.

රැළිය නිමා කළ පළමු මෝටර් රථ රියැදුරන් දස දෙනා

1 කාර්ලෝස් සේන්ස් (ස්පාඤ්ඤය) – පැය 42:59:17
2 නසර් අල් අතියා (කටාර් රාජ්‍යය) – පැය 43:05:38
3 ස්ටීවන් පීටර්හැන්සල් (ප්‍රංශය) – පැය 43:09:15
4 යසීඞ් අල් රාජි (සවුදි අරාබිය) – පැය 43:48:27
5 ගිනියෙල් ඩි’විලර්ස් (දකුණු අප්‍රිකාව) – පැය 44:06:26
6 ඕර්ලැන්ඩෝ තෙරනෝවා (ආජන්ටිනාව) – පැය 44:11:32
7 බර්නාඞ් ටෙන් බ්‍රින්කේ (නෙදර්ලන්තය) – පැය 44:17:51
8 මැතිව් සෙරදෝරි (ප්‍රංශය) – පැය 44:58:38
9 යසිර් සෙයිඩියන් (සවුදි අරාබිය) – පැය 46:41:34
10 වෙයි හැන් (චීනය) – පැය 46:50:24

Leave a Reply

අදහසක් තබා යන්න

කරුණාකර ඔබගේ අදහස් ඇතුළත් කරන්න.
කරුණාකර ඔබගේ නම ඇතුලත් කරන්න

- Advertisment -

ජනප්‍රිය ලිපි

LTTEයට මුදල් ලබාදුන් ටිරාන් අලස්ට පොහොට්ටුවෙන් ජාතික ලැයිස්තු මන්ත්‍රී ධූරයක්

ශ්‍රී ලංකා පොදුජන පෙරමුණ මැතිවරණ ජයග්‍රහණයෙන් අනතුරුව ඔවුන්ගේ ජාතික ලැයිස්තු මන්ත්‍රීවරු මේ වනවිට නම්කර තිබේ. ඒ අතරට මව්බිම පුවත්පතේ හිමිකරු හා අති විශාල...

පොහොට්ටුවෙන් ගොඩගිය ශ්‍රීලනිප මන්ත්‍රීවරු

ශ්‍රී ලංකා පොදුජන පෙරමුණෙන් මහ මැතිවරණයට ඉදිරිපත්ව සිටින ශ්‍රී ලංකා නිදහස් පක්ෂ අපේක්ෂකයන්ට මනාප නොදෙන්නැයි කෙතරම් ප්‍රචාර ගෙන ගියද ශ්‍රීලනිප අපේක්ෂකයන් 13...

අගමැති ඉරිදාත් කැබිනට් මණ්ඩලය සඳුදාත් දිවුරුම් දෙයි

පසුගිය 05 වැනිදා පැවති මහ මැතිවරණයෙන් ජයගත් ශ්‍රී ලංකා පොදුජන පෙරමුණේ නායක මහින්ද රාජපක්ෂ මහතා අනිද්දා (09) නව අගමැතිවරයා ලෙස දිවුරුම් දීමට...

ගම්මන්පිලට මනාප 62000ක් අහිමි වෙයි.. ව්‍යාජ දේශප්‍රේමී මාකට් එක හේදෙයි

කොළඹ දිස්ත‍්‍රික්කයෙන් ශ්‍රී ලංකා පොදුජන පෙරමුණ නියෝජනය කරමින් ජයගත් අපේක්‍ෂකයන්ගේ ප්‍රබලයන් කිහිප දෙනෙකුගේ මනාප සැලකිය යුතු ලෙස පහල ගොස් තිබේ.. දීර්ඝ කාලයක් කොළඹ...

පාඨක අදහස්