31 C
Colombo
Saturday, August 15, 2020
මුල් පිටුව උණුසුම් පුවත් දැරියක් හා චීන කතක් දූෂණය කළ පොහොට්ටු මන්ත්‍රී නිදහස් කරන්නැයි අගමැති නීතිපතිට...

චීන ජාතික කාන්තාවක් දූෂණය කිරීම සම්බන්ධයෙන් ඊයේ (05) දිනයේදී අත් අඩංගුවට ගත් ශ්‍රී ලංකා පොදුජන පෙරමුණේ හිටපු දකුණු පළාත් සභා මන්ත්‍රී වීරසිංහ ආරච්චිගේ ක්‍රිෂාන්ත පුෂ්පකුමාර නොහොත් රත්තරං සහ ඔහුගේ රියදුරු වන විතානගේ කැලුම් සමීර නොහොත් සුදා යන සැකකරුවන් ඇප මත මුදාහැරීමට ගාල්ල මහේස්ත්‍රාත් අධිකරණය ඊයේ නියම කළේය.

2018 වසරේදී ශ්‍රී ලංකාවට පැමිණි 36 හැවිරිදි චීන ජාතික කාන්තාවක් මන්ත්‍රී ක්‍රිෂාන්ත පුෂ්පකුමාරව හඳුනාගෙන ටික දිනක් ඔහුගේ නිවසේත්, ගාල්ල කළුවැල්ලේ තවත් නිවසකත් නතර වී සිට ඇති අතර එම කාලසීමාව තුළ මෙම කාන්තාව මන්ත්‍රීවරයා සහ ඔහුගේ රියදුරු අතින් දූෂණයට ලක්ව ඇත.

මෙම කාන්තාවට ගාල්ල පොලිසියේ කාන්තා හා ළමා කාර්යාංශයට පැමිණිලි කර දීර්ඝ කාලයක් ගතව තිබුණ ද මන්ත්‍රීවරයාට එරෙහිව කිසිදු ක්‍රියාමාර්ගයක් නොගැනුණු අතර ඇය විසින් මේ පිළිබඳ සඳහන් කරමින් ෆේස්බුක් සමාජ මාධ්‍ය ජාලයෙහි වීඩියෝවක් ද පළ කර තිබිණි.

කෙසේවෙතත් අවසානයේ නීතිපති උපදෙස් මත ඊයේ දිනයේදී මන්ත්‍රීවරයා සහ රියදුරු අත් අඩංගුවට ගෙන අධිකරණයට ඉදිරිපත් කර තිබුණු අතර ඔවුන් පැය කිහිපයකට පසු රුපියල් 10,000ක මුදල් ඇප සහ රුපියල් ලක්ෂ පහ බැගින් වූ ශරීර ඇප දෙකක් මත මුදා හරින ලදී.

මීට වසරකට පෙර ද 16 හැවිරිදි පාසැල් දැරියක් බරපතළ ලිංගික අපයෝජනයකට ලක්කිරීම සම්බන්ධයෙන් ක්‍රිෂාන්ත පුෂ්පකුමාර අත් අඩංගුවට පත්වූ අතර පසුව ඔහු එම පවුලේ පුද්ගලයන් බිය වද්දා තිබුණි. ආර්ථික අපහසුතා හා ආරක්ෂාවක් නොමැතිකම නිසා මෙම පවුලද බලවතෙකු හා පාතාල සම්බන්ධකම් සහිත මන්ත්‍රී වරයාව නීතියේ රැහැනට හසුකිරීමට වඩා තම ජීවිතය ආරක්ෂා කරගැනීම හොඳ බව සිතා නිහඬ විය.

මෙවර ඔහු අත්අඩංගුවට ගැනීම විදේශිකයෙකු දූෂණය කිරීමේ ප්‍රබල චෝදනාවක් වුවත් අගමැති මහින්ද රාජපක්ෂ මහතා නීතිපතිවරයාට දුන් නියෝගයක් අනුව නීතිපතිවරයා උපදෙස් දී ඇත්තේ ඔහුව වහාම නිදහස් කරන ලෙසයි.

Leave a Reply

අදහසක් තබා යන්න

කරුණාකර ඔබගේ අදහස් ඇතුළත් කරන්න.
කරුණාකර ඔබගේ නම ඇතුලත් කරන්න

- Advertisment -

ජනප්‍රිය ලිපි

විද්‍යා දැරියගේ ඝාතකයා නිදහස් කර ඇත්තේ පොලිස් පරීක්ෂකයෙක්

විද්‍යා දැරිය ඝාතනය කළ ස්විස් කුමාර් නොහොත් මහලිංගම් ශෂිකුමාර් පොලිස් බාරයෙන් නිදහස් කර ඇත්තේ කයිට්ස් පොලිසියේ විශේෂ විමර්ශන ඒකකයේ පොලිස් පරීක්ෂක ශ්‍රී...

කොළඹ පාසල් ළමුන්ට ‘ඉන්හේලර්’ ඔස්සේ මත්ද්‍රව්‍ය

කොළඹ ප්‍රදේශයේ ප්‍රසිද්ධ පාසල්වල සිසුන් ඉලක්ක කරගෙන ඉන්හේල සහ ස්ප්‍රේ යන්ත්‍ර භාවිතා කරමින් මත්ද්‍රව්‍ය අලෙවි කිරීමේ ජාවාරමක් සම්බන්ධයෙන් පොලිසිය තොරතුරු හෙළි කරගෙන...

දීපා මේතාගේ නවතම සිනමාපටයට නිම්මි හරස්ගම

භාරතයේ සම්මානලාභී අධ්‍යක්ෂිකාවක වන දීපා මේතාගේ නවතම සිනමාපටය වන ‘ෆනී බෝයි‘ චිත්‍රපටය සඳහා සම්මානිත ලාංකේය රංගන ශිල්පිනියක වන නිම්මි හරස්ගම රංගනයෙන් දායක...

“රතන හාමුදුරුවන්ගේ කපටිකමට ගරු කරන්න මට බෑ”- ඥානසාර හිමි

මන්ත්‍රී ධුර තිබුණත් නැතත් සිංහල බෞද්ධ ජනතාව වෙනුවෙන් ආරම්භ කර තිබෙන ජාතික ව්‍යාපාරය ඉදිරියට ගෙනයාමට කැපවන බව බොදුබල සේනා සංවිධානයේ මහලේකම් ගලගොඩඅත්තේ...

පාඨක අදහස්