31 C
Colombo
Wednesday, April 1, 2020
මුල් පිටුව උණුසුම් පුවත් පරිප්පු හා ටින්මාලු මිල අඩු කළ සහනය ගම්වල ජනතාවට ලැබෙන්නෙ නෑ

අපේ රටේ බන්ධනාගාර තුළට කොරෝනා වෛරසය ඇතුළු වුණොත් එයින් සිදුවන විනාශය අතිශයින්ම භයානකයි. බන්ධනාගාර තුළ තිබෙන අධික තදබදය මෙයට බලපානවා. ඒ නිසා මේ සඳහා සුදුසුම ක්‍රියාමාර්ගය රුඳවූවන් සංඛ්‍යාව අඩු කිරීම යැයි ආචාර්ය ඕමල්පේ සෝභිත හිමියෝ පවසති.

සෝභිත හිමියන් මේ බව සඳහන් කළේ ඊයේ (24 දා) දහවල් ඇඹිලිපිටිය ශ්‍රී බෝධිරාජ විහාරස්ථානයේදී පැවති මාධ්‍ය හමුවකදීය.

එහිදී වැඩිදුරටත් අදහස් දැක්වූ සෝභිත හිමියෝ මෙසේ ද පැවසූහ. ‘‘දැනට සුළු චෝදනා යටතේ සිරගත කර සිටින පිරිස් නිදහස් කර එළියට යවන්න. තම දඬුවම් කාල සීමාව අවසන් අදියරේ සිටින හා සුළු වැරදිවලට ලක්ව සිටින අය මේ වෙලාවේ ඉක්මනින් නිදහස් කළ හැකියි. නිදහස් කරන අය නිවසේ රඳවා ස්වයං නිරෝධායනයකට ලක් කළ හැකිය.

පසුගියදා අනුරාධපුර බන්ධනාගාරයේ සිදු වූ තත්ත්වය පිළිබඳවත් රජයේ අවධානය යොමු කළ යුතුයි. ඒ වගේම රන්ජන් රාමනායක මහතා පසුගියදා කිව්වා බන්ධනාගාර මැදිරිවල 10 ක් සිටිය යුතු තැන තිහ හතළිහක් ඉන්නවා. තට්ටුමාරු ක්‍රමයට නිදා ගැනීම හා ඉඳගැනීම පවා සිදු කරනවා කියලා. බන්ධනාගාර නිලධාරින් පවා පිටස්තරව රැඳී ඉඳලා තමයි රාජකාරිවලට එන්නේ. මෙවන් තත්ත්වයකදී කොරෝනා වෛරසය බන්ධනාගාරයට ඇතුළු වුණොත් සිදුවන කනගාටුදායක තත්ත්වය පිටු දකින්න ඒවායේ තදබදය අඩු කළ යුතුමයි.

පරිප්පු හා ටින්මාලු මිල අඩු කළ සහනය ගම්වල ජනතාවට ලැබෙන්නෙ නෑ. මන්ද ඒවායේ මිල සහනය ක්‍රියාත්මක කරන්නේ සතොස හා පෞද්ගලික සුපිරි වෙළෙඳසල් ජාලයක පමණයි. නමුත් ඒවාට පුළුවන්කමක් නෑ මුළු රටේම ජනතාවගේ අවශ්‍යතාව සම්පූර්ණ කරන්න. අපි දුටුවා ඇඳිරි නීතිය ඉවත් කළාම ඒ ආයතන අසල තිබුණු දිගු පෝලිම්වල හැටි. ගම්වල සිටින සිල්ලර අලෙවිහල්වලට මේ අවස්ථාව ලබා දිය යුතුයි. එවිට ජනතාව පීඩනයට පත්වන්නෙ නැහැ.

Leave a Reply

අදහසක් තබා යන්න

කරුණාකර ඔබගේ අදහස් ඇතුළත් කරන්න.
කරුණාකර ඔබගේ නම ඇතුලත් කරන්න

- Advertisment -

ජනප්‍රිය ලිපි

දඹුල්ලේ පුද්ගලයින් 33 දෙනෙකු නිරෝධායනයට

මහනුවර අකුරණ ප්‍රදේශයේදි කොරෝනා වෛරසය ආසාදිත වූ හඳුනාගත් පුද්ගලයා දඹුල්ල නිකවටවන ප්‍රදේශයේ අවමඟුල් උත්සවයක් පවතීන නිවසකට පැමිණ එම ප්‍රදේශයේ සැරිසැරූ බවට ලද...

අද දිනයේදී පමණක් කොරෝනා රෝගීන් 10ක් වාර්තා වෙයි

අද දිනයේදී මේ දක්වා කොවිඩ් ආසාදිතයන් 10ක් හමුවී ඇති අතර ඒ අනුව සමස්ත රෝගීන් සංඛ්‍යාව 132ක් දක්වා වර්ධනය වී තිබේ. පස්වරු 4.45ට සෞඛ්‍ය...

අජිත් රෝහණ බොරු ප්‍රචාර ගෙනයන බවට ඉතාලි තානාපති කාර්යාලයෙන් නිවේදනයක්

ඉතාලියේ කොරෝනා වෛරස් ආසාදනයෙන් මියගිය පුද්ගලයින්ගේ මළ සිරුරු නිරුවත් කර කිසිදු ආගමික වතාවතකින් තොරව අවසන් කටයුතු සිදු කෙරෙන බවට ඇතැම් පුද්ගලයින් විසින්...

අජිත් නිවාඩ් හා මහින්ද සේවක අර්ථසාධක අරමුදලට විදින්න සූදානම් වෙයි

කොරෝනා වෛරසය හේතුවෙන් රටේ ආර්ථිකය මුහුණදී ඇති පසුබෑමට පිළියමක් වශයෙන් සේවක අර්ථසාධක අරමුදලේ තැන්පතුවලින් 20%ක් එහි සාමාජිකයින් වෙත නිදහස් කිරීමට අග්‍රාමාත්‍ය ආර්ථික...

පාඨක අදහස්