31 C
Colombo
Friday, July 10, 2020
මුල් පිටුව උණුසුම් පුවත් ඇඳිරිනීතිය පවතින කාලය තුළ ගෘහස්ථ හිංසනයේ වාර්තාගත ඉහළ යාමක්

ඇඳිරිනීතිය පවතින කාලය තුළ ගෘහස්ථ හිංසන සිදුවීම් වාර්තා වීම පෙර වසරට සාපේක්ෂව ප්‍රතිශතයක් ලෙස ඉහළ ගොස් ඇති බව ජාතික ළමා ආරක්ෂක අධිකාරියේ සභාපති මුදිත විදානපතිරණ මහතා පැවසීය.

මෙවැනි සිදුවීම් පිළිබඳ වාර්තා වූ සැනින් අදාළ පොලිස් ස්ථානවලට හා ළමා ආරක්ෂක නිලධාරින්ට දැනුම් දෙන බවත්, ඔබ ප්‍රදේශයේ එවැනි සිදුවීමක් පිළිබඳ තොරතුරු දන්නේ නම් 1929 යන දුරකථන අංකය අමතා එම තොරතුරු ලබා දෙන ලෙසද සභාපතිවරයා ජනතාවගෙන් ඉල්ලා සිටියේය. එවැනි පුද්ගලයන්ට එරෙහිව නීතිමය ක්‍රියාමාර්ග ගන්නා බවද ඒ මහතා වැඩිදුරටත් සඳහන් කළේය.

එහිදි වැඩිදුරටත් අදහස් දැක්වූ ඒ මහතා,
” ළමා හිංසනය කරන්නේ බොහෝ වෙලාවට අපි දන්න හඳුනන අය. භාරකරුවන්, නෑදෑයින් වැනි අය. ඇඳිරිනීතිය දාපු නිසා චූදිතයන් හා වින්දිතයන් ඉන්නේ එකම ගෘහයක් තුළ. මින් පෙර එම පැමිණිලි දිනකට 40ක් පමණ පැමිණියත්, ඇඳිරිනීති කාලය තුළ දිනකට පැමිණිලි එන්නේ 10ක් පමණයි.එය සංඛ්‍යාත්මක අඩුවීමක්. නමුත්, පසුගිය දින 7 තුළ එවැනි සිදුවීම් 111 ක් වාර්තා වී තිබෙනවා. එතුළ සිදුවීම් 36ක් ගෘහස්ථ හිංසන හා ළමා කෘරත්වයට සම්බන්ධ සිදුවීම්. එය ප්‍රතිශතයක් ලෙස 33%ක්. ප්‍රතිශතයක් ලෙස එහි යම් වැඩිවීමක් පෙන්නුම් කරනවා. ගිය වසරේ වාර්තා අනුව එය පැවතියේ 10% ක අගයක.

මහජනතාව සහා දෙමව්පියන් දැනුවත් කළ යුතුයි මේ ගැන. දෙමව්පියන් කියන්නේ මේ සමාජයේ විශේෂිත අය. ඒ වගේම දරුවෝ කියන්නේ අපි රැක බලා ගත යුතු පිරිසක්. තමන්ගේ දරුවෝ ගැන වගේම අවට දරුවෝ ගැනත් අපි මේ වෙලාවේ අවධානයෙන් ඉන්න ඕන. ළමයා යනු ළමයෙක් මිස කුඩා වැඩිහිටියෙක් නෙමෙයි . ඒ බව අපි මතක තබා ගත යුතුයි.

ඔබ දන්න එවැනි සිදුවීම් අපිට කතා කරලා කියන්න. 1929 කියන අංකයට. අපි අදාළ පොලිසියට හා ළමා ආරක්ෂක නිළධාරීන්ට දන්වලා ඒ අයව අත්තඩංගුවට ගන්න කටයුතු කරනවා. ළමයා කවරාකාර හෝ කායික, මානසික හිංසනයට ලක්කිරීම වරදක්.” යැයි ද කියා සිටියේය.

Leave a Reply

අදහසක් තබා යන්න

කරුණාකර ඔබගේ අදහස් ඇතුළත් කරන්න.
කරුණාකර ඔබගේ නම ඇතුලත් කරන්න

- Advertisment -

ජනප්‍රිය ලිපි

නාත්තණ්ඩියට ආ උපදේශිකාවට කොවිඩ් නිසා බස්වල ගිය මිනිස්සු සොයා මෙහෙයුම්

මත්ද්‍රව්‍යවලට ඇබ්බැහිවූවන් පුනරුත්ථාපනය කරන කන්දකාඩු පුනරුත්ථාපන මධ්‍යස්ථානයෙන් ඊයේ (09දා) කොවිඩ් ආසාදිතයන් 56ක් හමුවීමත් සමග එම මධ්‍යස්ථානය ජංගම රෝහලක් බවට පත් කිරීමට පියවර...

එක්සත් අරාබි එමීර් රාජ්‍යයේ සිට ලාංකිකයින් පිරිසක් දිවයිනට

එක්සත් අරාබි එමීර් රාජ්‍යයේ රැඳී සිටි ශ්‍රි ලාංකිකයන් 278 දෙනෙකු ශ්‍රී ලන්කන් ගුවන් සේවයේ විශේෂ ගුවන් යානයකින් දිවයිනට පැමිණ තිබේ. අද (10) අලුයම...

ඉන්දියානු පිළිකා එන්නත මිලදී ගන්න පවිත්‍රා සූදානම් වෙයි

පිළිකා රෝගීන් සඳහා ලබා දෙන ඖෂධ එන්නත් කුප්පි දෙළොස් දහස් පන්සියයක් ඉන්දියානු සමාගමකින් මිලදී ගැනීම සඳහා සෞඛ්‍ය ඇමැති පවිත්‍රා වන්නිආරච්චි ඉදිරිපත් කළ...

නිරෝධායන කාලයේ නොගෙවූ ණය වලට ජනතාවගෙන් අමතර පොළියක් අය කරන්න අනුමැතිය

කොවිඩ් වසංගත තත්ත්වය හේතුවෙන් රජය ලබාදුන් සහන කාලයේදී ගනුදෙනුකරුවන් නොගෙ වූ ණය වාරික වෙනුවෙන් සියයට හතක උපරිමයකට යටත්ව අතිරේක පොලියක් අයකර ගැනීමට...

පාඨක අදහස්