31 C
Colombo
Wednesday, April 1, 2020
මුල් පිටුව උණුසුම් පුවත් අසාදිතයින් 422,829යි මරණ 18,907යි 109,102ක් සුවයි

ලොව පුරා කොරෝනා වෛරස අසාදිතයින් 422,829 දෙනෙකු මේ වන විට හඳුනා ගෙන තිබෙන අතර වෛරසය හේතුවෙන් මියගිය පුද්ගලයන් සංඛ්‍යාව 18,907 දක්වා ඉහළ ගොස් ඇති බව වාර්තා වෙයි.

මෙම වෛරසය ආසාදනය වූවන් අතරින් පුද්ගලයන් 109,102 දෙනෙකු මේ වනවිට සම්පූර්ණයෙන් ම සුවය ලබා සිටින අතර පෙරේදා (24) දිනයේ දී ද වැඩිම මරණ සංඛ්‍යාවක් ඉතාලියෙන් වාර්තා විය. එම සංඛ්‍යාව 743ක් වෙයි. ස්පාඤ්ඤයෙන් ද පෙරේදා දිනය තුළ පමණක් මරණ 680 ක් වාර්තා වී ති‍බේ.

මේ අතර කොරෝනා වෛරස් ව්‍යාප්තිය හේතුවෙන් ඊයේ මධ්‍යම රාත්‍රීයේ සිට ඉන්දියාව සම්පුර්ණයෙන් ම වසා දැමීමට ඉන්දීය අග්‍රාමාත්‍ය නරේන්ද්‍ර මෝදී මහතා කටයුතු කර තිබේ. දින 21ක කාලයක් ඉන්දියාවේ කටයුතු සම්පුර්ණයෙන් ම නතර කිරිමට තීරණය කර ඇත.

මේ අතර කොවිඩි නයින්ටීන් වෛරසය පැතිරයාමේ නව කේන්ද්‍රස්ථානය බවට අමෙරිකා එක්සත් ජනපදය පත්විය හැකි බව ලෝක සෞඛ්‍ය සංවිධානය පවසයි. ලෝක සෞඛ්‍ය සංවිධානයේ ප්‍රකාශිකා මාග්‍රට් හැරිස් ප්‍රකාශ කර ඇත්තේ අමෙරිකා එක්සත් ජනපදය තුළ කොරොනා වෛරස් ව්‍යාප්තියේ සීඝ්‍ර වර්ධනයක් සිදු ව ඇති බවයි.

කොරෝනා වෛරස් ව්‍යාප්තිය හේතුවෙන් චීනයේ වුහාන් නගරයට පනවා තිබු සංචාරක තහනම ලබන අප්‍රේල් 08 වන දින සිට ඉවත් කිරිමට තීරණය කර තිබේ. මේ අතර ශ්‍රී ලංකාවෙන් වාර්තා වන කොවිඩි නයිටීන් රෝගීන් සංඛ්‍යාව 102 දක්වා ඉහළ ගොස් තිබෙන අතර වසංගත රෝග විද්‍යා ඒකකය සඳහන් කළේ පෙරේදා (24) දිනය තුළ පමණක් කොරෝනා වෛරස අසාදිතයින් 05 දෙනෙකු වාර්තා වන බවයි.

මේ වනවිට කොරෝනා වෛරසය බවට සැකපිට පුද්ගලයින් 229 දෙනෙකු මෙරට රෝහල් 19 ක ප්‍රතිකාර ලබමින් සිටින අතර විදේශිකයින් 06 දෙනෙකු ද වන බව සෞඛ්‍ය අමාත්‍යාංශය සඳහන් කරයි.

පුද්ගලයින් 97 දෙනෙකු අයි.ඩි.එච් රෝහලේ ප්‍රතිකාර ලබන අතර පුද්ගලයින් 27 දෙනෙකු වැලිකන්ද මුලික රෝහලේ ප්‍රතිකාර ලබමින් සිටියි.

කළුතර නාගොඩ රෝහලේ පුද්ගලයින් 12දෙනෙකු ද හම්බන්තොට මුලික රෝහලේ පුද්ගලයින් 11 දෙනෙකු ද , කුරුණෑගල ශික්ෂණ රෝහලේ පුද්ගලයින් 10 දෙනෙකු ද ප්‍රතිකාර ලබමින් සිටින බව වාර්තා වෙයි. මෙරටින් කොරෝනා වෛරසය අසාදනය වු පුද්ගලයින්ගෙන් දෙදෙනෙකු සුවය ලබා ඇති බව ද සෞඛ්‍ය අමාත්‍යාංශය පවසයි.

Leave a Reply

අදහසක් තබා යන්න

කරුණාකර ඔබගේ අදහස් ඇතුළත් කරන්න.
කරුණාකර ඔබගේ නම ඇතුලත් කරන්න

- Advertisment -

ජනප්‍රිය ලිපි

දඹුල්ලේ පුද්ගලයින් 33 දෙනෙකු නිරෝධායනයට

මහනුවර අකුරණ ප්‍රදේශයේදි කොරෝනා වෛරසය ආසාදිත වූ හඳුනාගත් පුද්ගලයා දඹුල්ල නිකවටවන ප්‍රදේශයේ අවමඟුල් උත්සවයක් පවතීන නිවසකට පැමිණ එම ප්‍රදේශයේ සැරිසැරූ බවට ලද...

අද දිනයේදී පමණක් කොරෝනා රෝගීන් 10ක් වාර්තා වෙයි

අද දිනයේදී මේ දක්වා කොවිඩ් ආසාදිතයන් 10ක් හමුවී ඇති අතර ඒ අනුව සමස්ත රෝගීන් සංඛ්‍යාව 132ක් දක්වා වර්ධනය වී තිබේ. පස්වරු 4.45ට සෞඛ්‍ය...

අජිත් රෝහණ බොරු ප්‍රචාර ගෙනයන බවට ඉතාලි තානාපති කාර්යාලයෙන් නිවේදනයක්

ඉතාලියේ කොරෝනා වෛරස් ආසාදනයෙන් මියගිය පුද්ගලයින්ගේ මළ සිරුරු නිරුවත් කර කිසිදු ආගමික වතාවතකින් තොරව අවසන් කටයුතු සිදු කෙරෙන බවට ඇතැම් පුද්ගලයින් විසින්...

අජිත් නිවාඩ් හා මහින්ද සේවක අර්ථසාධක අරමුදලට විදින්න සූදානම් වෙයි

කොරෝනා වෛරසය හේතුවෙන් රටේ ආර්ථිකය මුහුණදී ඇති පසුබෑමට පිළියමක් වශයෙන් සේවක අර්ථසාධක අරමුදලේ තැන්පතුවලින් 20%ක් එහි සාමාජිකයින් වෙත නිදහස් කිරීමට අග්‍රාමාත්‍ය ආර්ථික...

පාඨක අදහස්