31 C
Colombo
Monday, July 6, 2020
මුල් පිටුව තාක්ෂණික වයිබර් සමාගම ෆේස්බුක් සමඟ පැවැති ව්‍යාපාර සබඳතා සියල්ල අත්හරියි

කිසිදු ගාස්තු අයකිරීමකින් තොරව ඉහළ ම ආරක්ෂාවක් සපයන ලොව ප්‍රමුඛතම සන්නිවේදන ඇප් මෘදුකාංගයක් වන රකුටෙන් වයිබර්, ෆේස්බුක් සමාජ ජාලය සමඟ පවතින තම සියලු ව්‍යාපාරික සබඳතා අත්හරින බව නිවේදනය කර සිටී. ඒ අනුව Facebook Connect, Facebook SDK සහ GIPHY යන විශේෂාංග සියල්ල නවතා දැමීමට වයිබර් පියවර ගනු ඇත. තව ද #StopHateForProfit යනුවෙන් ෆේස්බුක් ජාලයට එරෙහි ක්‍රියාත්මක සමාජ රැල්ලට සහාය පළ කරමින් ෆේස්බුක් තුළ සිදු කරන සියලු දැන්වීම් කටයුතු නැවැත්වීමට ද වයිබර් පියවර ගැනීමට නියමිත ය.

අමෙරිකා එක්සත් ජනපදය තුළ පසුගිය සති කිහිපය තුළ පැවැති මහජන උද්ඝෝෂණ අතරතුරදී, Anti-Defamation League සහ NAACP ඇතුළු සමාගම් හයක් ෆේස්බුක් සමාජ ජාලය තුළ තම දැන්වීම් ජූලි මාසයේදී නවතා දමන ලෙස උපදෙස් දුනි. ෆේස්බුක් සමාජ මාධ්‍ය ජාලය තුළ පැතිර යන වෛරී ප්‍රකාශනවලින් තම පරිශීලකයින් මුදාගැනීමට ෆේස්බුක් ආයතනයට නොහැකි වීම ඊට තුඩුදුන් ආසන්නතම හේතුව විය. කෙසේ වුව ද ඊට පෙරාතුව පවා ෆේස්බුක් සමාගම තම දත්ත අවභාවිත කිරීම පිළිබඳ චෝදනා ලැබීය. විශේෂයෙන්ම කුප්‍රකට කේම්බ්‍රිජ් ඇනලටිකා අනාවරණයේදී අදාළ දේශපාලන උපදේශන සමාගම ෆේස්බුක් පරිශීලකයින් මිලියන 87කගේ දත්ත රහසිගතව අත්පත් කරගෙන ඇති බව වාර්තා විය. එවන් පසුබිමක වෛරී ප්‍රකාශන ව්‍යාප්තිය යනු ෆේස්බුක් හි වරදකාරී හැසිරීමෙහි ආසන්නතම වරද ලෙස වයිබර් කළමනාකාරීත්වය කල්පනා කරයි.

“වර්තමාන ලෝකය තුළ සිය භූමිකාව කුමක්දැයි තමන් තවමත් අවබෝධ කරගෙන නොමැති බව ෆේස්බුක් දිගින් දිගටම ප්‍රකට කරමින් සිටිනවා. දත්ත අවභාවිතය සහ එහි ඇප් මෘදුකාංග සතු දුර්වල රහස්‍යභාවයට අමතරව දිගින් දිගටම සිය පරිශීලකයින්ට මුහුණ දීමට සිදුව ඇති අනතුරුදායක සහ හිංසාකාරී තත්ත්වයට එරෙහිව කිසිදු පියවරක් ගනිමින් ඔවුන් ආරක්ෂා කරගැනීමට ෆේස්බුක් සමත් වෙලා නැහැ. සත්‍යය කුමක්දැයි අපි විනිශ්චය කළ යුතු නැහැ. මෙතැනදී අපි දකින එකම සත්‍යය වන්නේ ප්‍රචණ්ඩ අන්තර්ගතයන් හරහා ඇතැම් මිනිසුන් පීඩාවට පත්ව තිබෙන බවයි. ඊට එරෙහිව අපි පැහැදිලිව පියවර ගත යුතුයි” යැයි මෙම තීරණය පිළිබඳ අදහස් දක්වමින් වයිබර් ප්‍රධාන විධායක නිලධාරී ජාමෙල් අගවුඩා මහතා පැවසීය.

වයිබර් ඇප් මෘදුකාංගය, ෆේස්බුක් සමඟ පවත්වාගෙන යන දැන්වීම්කරණය ඇතුළු සියලු සබඳතා අත්හැරීම 2020 ජුලි මස ආරම්භයේදී සිදුවනු ඇත. ඒ අනුව ෆේස්බුක් දැන්වීම් සඳහා වයිබර් ගෙවීම් ද වහාම අත්හිටුවීමට නියමිත ය.

Leave a Reply

අදහසක් තබා යන්න

කරුණාකර ඔබගේ අදහස් ඇතුළත් කරන්න.
කරුණාකර ඔබගේ නම ඇතුලත් කරන්න

- Advertisment -

ජනප්‍රිය ලිපි

සුනිල් ජයවර්ධන ඝාතකයන් යළි රිමාන්ඩ්

ලංකා ස්වයං රැකියා වෘත්තිකයින්ගේ ජාතික ත්‍රීරෝද රථ සංගමයේ සභාපති සුනිල් ජයවර්ධන මහතා ඝාතනය කිරීමේ සිද්ධිය සම්බන්ධයෙන් අත්අඩංගුවට ගත් සැකකරුවන් 08 දෙනා යළිත්...

මේක රටට සේවයක් කරන්න බැරි දුර්වල රජයක්

ආණ්ඩුව පිහිටුවීමෙන් පසු ඉල්ලුම්කරන සියලුදෙනාට සියයට 4ක ණයක් ලබාදෙන බව සමගි ජන බලවේගයේ නායක සජිත් ප්‍රේමදාස මහතා පවසයි. සමගි ජන බලවේගයේ කොළඹ දිස්ත්‍රික්...

දෙමළ ජනතාවගේ සැබෑ නායකයා වේළුපිල්ලේ ප්‍රභාකරන් – මම හැමදාම ඒක කියනවා. පුළුවන් දෙයක් කරන්න

දිගින් දිගටම වේළුපිල්ලේ ප්‍රභාකරන් ගැන උදම් අනන උතුරේ දේශපාලන චරිතය පසුගිය කාලයේ මෙන්ම වර්තමානයේදීද එය ඒ ආකාරයෙන්ම සිදු කරගෙන යන බව දක්නට...

කුසල්ගේ රියදුරු බලපත්‍රය අත්හිටුවයි

රිය අනතුරක් සම්බන්ධයෙන් සැකපිට අත්අඩංගුවට ගෙන අධිකරණයට ඉදිරිපත් කළ ශ්‍රී ලංකා ක්‍රීකට් කණ්ඩායමේ ක්‍රීඩක කුසල් මෙන්ඩිස් ඇප මත මුදා හැර තිඛේ. ඒ ලක්ෂ...

පාඨක අදහස්