31 C
Colombo
Friday, July 10, 2020
මුල් පිටුව උණුසුම් පුවත් කොරෝනා පඩි කැපිල්ලට විරුද්ධව නඩු ඇසීමට දින නියම කරයි

කොරෝනා වසංගතයට මුහුණ දීම සඳහා යැයි පවසමින් රාජ්‍ය සේවකයන්ගේ වැටුප් බලහත්කාරයෙන් කැපීම, බල රහිත කරන නියෝගයක්

නිකුත් කරන ලෙස ඉල්ලා ශ්‍රී ලංකාවේ ප්‍රමුඛතම ගුරු වෘත්තිය සමිතියක් ගොනු කළ පෙත්සම සලකා බැලීමට අධිකරණය තීන්දු කර තිබේ.

ලංකා ගුරු සංගමය විසින් ගොනු කරන ලද මූලික අයිතිවාසිකම් පෙත්සම සලකා බැලීම නොවැම්බර් මස 04 වන දා සිදු කිරීමට ශ්‍රේෂ්ඨාධිකරණය ජුනි 29 සඳුදා නියම කර ඇත.

සෞඛ්‍ය හා සමාජ ආරක්ෂණ අරමුදල සදහා නැගෙනහිර පළාත් පාසල්වල ගුරුවරුන්ගේ සහ විදුහල්පතිවරුන්ගේ මැයි මස වැටුපෙන් දිනක වැටුප ඔවුන්ගේ කැමැත්තකින් තොරව කොවිඩ් 19 අරමුදලට පරිත්‍යාග ලෙස අයකරගෙන ඇති බව පවසමින් ලංකා ගුරු සංගමය පෙත්සම ගොනු කර තිබුනි.

ඉකුත් මාර්තු 31 වැනිදා නැගෙනහිර පළාත් අධ්‍යාපන අධ්‍යක්ෂවරයා විසින් නැගෙනහිර පළාතේ දුප්පතුන්ට ආධාර කිරීම යනුවෙන් සඳහන් චක්‍රලේඛයක් පළාතේ ගුරුවරුන් වෙත නිකුත් කර ඇතැයි ගුරු-විදුහල්පති වෘත්තීය සමිති එකතුවේ කැදවුම්කරු ජෝසප් ස්ටාලින් නිවේදනයක් නිකුත් කරමින් පවසා තිබුනි.

එය බලහත්කාරී මෙන්ම අනීතික ක්‍රියාවක් ලෙසත් ගුරු සංගම් නායකයා හෙළා දැක තිබුනි.

ලංකා ගුරු සංගයේ සභාපති ප්‍රියන්ත ප්‍රනාන්දු , ලේකම් ජෝසෆ් ස්ටාලින් හා ගුරු වැටුප් කප්පාදුවට ලක්වූ නැගෙනහිර පළාත් ගුරුවරයකු වන පොන්නදුරෙයි උදයරූබන් විසින් පෙත්සම ගොනු කර තිබුනි.

එහි වගඋත්තරකරුවන් ලෙස නැගෙනහිර පළාත් අධ්‍යාපන අධ්‍යක්ෂක කේ.එම් .මන්සූර් , නැගෙනහිර පළාත් ප්‍රධාන ලේකම් ටී.පී.වනිගසිංහ, නැගෙනහිර පළාත් ආණ්ඩුකාර අනුරාධා යහම්පත් ,සහ නීතිපති නම් කරනු ලැබ සිටිති.

පෙත්සමේ වගඋත්තරකරුවන් ලෙස නම් කර සිටින නැගෙනහිර පලාත් අධ්‍යාපන අධ්‍යක්ෂවරයා සහ උතුරු පළාත් ආණ්ඩුකාරවරයා වෙනුවෙන් නීතිඥවරයකු පෙනී නොසිටීම හේතුවෙන් පෙත්සම සලකා බැලීම සඳහා නොවැම්බර් මස 4 වැනිදා දක්වා කල්තබන ලෙස අධිකරණය නියම කර තිබේ.

අප්‍රේල් මාසය සදහා දිනක වැටුපක් කපා හැර ඇති අතර ඒ යටතේ පෙත්සම්කාර පොන්නතුරෙයි උදයරූබන් ගුරුවරයාගේ මාසික වැටුපෙන් රුපියල් 1174.82 ක මුදලක් නොදන්වා කපා හැර ඇති බව පෙත්සමෙහි සදහන්ව තිබේ.

මෙසේ ගුරු වැටුපෙන් නොදන්වා මුදල් කපා හැරීම තුළින් සිය මූලික අයිතීන් උල්ලංඝනය වී ඇති බවට තීන්දුවක් ලබාදෙන ලෙස පෙත්සම්කාර ලංකා ගුරු සංගමය ශ්‍රේෂ්ඨාධිකරණයෙන් ඉල්ලා සිටී.

ඊට අමතරව නැගෙනහිර පළාත් අධ්‍යාපන අධ්‍යක්ෂවරයා විසින් නිකුත් කළ ගුරු වැටුප් කප්පාදු කරන චක්‍රලේඛය ක්‍රියාත්මක වීම වළක්වාලන අතුරු නියෝගයක් නිකුත් කරන ලෙසත් සිය මූලික අයිතීන් උල්ලංඝනය වීම වෙනුවෙන් රුපියල් ලක්ෂ පහක වන්දි මුදලක් ලබා දෙන ලෙසත් පෙත්සම්කාර පාර්ශවය වැඩි දුරටත් අධිකරණයෙන් ඉල්ලා ඇත.

ආයතනිකව හා පෞද්ගලිකව ලැබෙන පරිත්‍යාග රැස්කොට මේජර් ජනරාල් කේ. බී එගොඩවෙලගේ නායකත්වයෙන් පවත්වාගෙන යන COVID 19 සෞඛ්‍ය හා සමාජ ආරක්ෂණ අරමුදලේ ශේෂය ජුනි 25 වන විට රුපියල් මිලියන 1413 ක් බව ජනාධිපතිවරයා විසින් නිවේදනය කර තිබේ.

වසංගතයට මුහුණ දීම සඳහා පවත්වාගෙන යන අරමුදල් වලට දායක වීමෙන් රජයේ ආරක්ෂක අංශ නිදහස් කර තිබේ.

Leave a Reply

අදහසක් තබා යන්න

කරුණාකර ඔබගේ අදහස් ඇතුළත් කරන්න.
කරුණාකර ඔබගේ නම ඇතුලත් කරන්න

- Advertisment -

ජනප්‍රිය ලිපි

නාත්තණ්ඩියට ආ උපදේශිකාවට කොවිඩ් නිසා බස්වල ගිය මිනිස්සු සොයා මෙහෙයුම්

මත්ද්‍රව්‍යවලට ඇබ්බැහිවූවන් පුනරුත්ථාපනය කරන කන්දකාඩු පුනරුත්ථාපන මධ්‍යස්ථානයෙන් ඊයේ (09දා) කොවිඩ් ආසාදිතයන් 56ක් හමුවීමත් සමග එම මධ්‍යස්ථානය ජංගම රෝහලක් බවට පත් කිරීමට පියවර...

එක්සත් අරාබි එමීර් රාජ්‍යයේ සිට ලාංකිකයින් පිරිසක් දිවයිනට

එක්සත් අරාබි එමීර් රාජ්‍යයේ රැඳී සිටි ශ්‍රි ලාංකිකයන් 278 දෙනෙකු ශ්‍රී ලන්කන් ගුවන් සේවයේ විශේෂ ගුවන් යානයකින් දිවයිනට පැමිණ තිබේ. අද (10) අලුයම...

ඉන්දියානු පිළිකා එන්නත මිලදී ගන්න පවිත්‍රා සූදානම් වෙයි

පිළිකා රෝගීන් සඳහා ලබා දෙන ඖෂධ එන්නත් කුප්පි දෙළොස් දහස් පන්සියයක් ඉන්දියානු සමාගමකින් මිලදී ගැනීම සඳහා සෞඛ්‍ය ඇමැති පවිත්‍රා වන්නිආරච්චි ඉදිරිපත් කළ...

නිරෝධායන කාලයේ නොගෙවූ ණය වලට ජනතාවගෙන් අමතර පොළියක් අය කරන්න අනුමැතිය

කොවිඩ් වසංගත තත්ත්වය හේතුවෙන් රජය ලබාදුන් සහන කාලයේදී ගනුදෙනුකරුවන් නොගෙ වූ ණය වාරික වෙනුවෙන් සියයට හතක උපරිමයකට යටත්ව අතිරේක පොලියක් අයකර ගැනීමට...

පාඨක අදහස්