31 C
Colombo
Tuesday, September 29, 2020
මුල් පිටුව ආර්ථික පළාත් සභාවල වැය බර පමණක් කෝටි 22000ක්

පළාත් සභා නවය නඩත්තු කිරීම සඳහා පසුගිය වසරේදී (2019) පමණක් මධ්‍යම රජය රුපියල් කෝටි 21,878 ක වැය බරක් දරා ඇත.

පළාත් සභා මගින් උපයන ආදායම ඒවායේ වියදම පියවා ගැනීමට ප්‍රමාණවත් නොවීම නිසා දිගින් දිගටම මධ්‍යම රජයට මෙසේ ඒ වෙනුවෙන් වියදම් කිරීමට සිදුව ඇති අතර මෙය මධ්‍යම රජයේ අයවැයට අමතර බර පැටවීමක් බව 2019 මහ බැංකු වාර්තාව මගින් අනාවරණය වේ.

ඉපයූ ආදායමෙන් වියදම පියවා ගැනීමට නොහැකිවීමෙන් 2019 වසරේදී මෙන්ම ඊට පෙර වසරවලදීද මේ හා සමාන මුදලක් මධ්‍යම රජය විසින් පළාත් සභා වෙනුවෙන් දරා ඇති බව 2019 මහ බැංකු වාර්තාව පෙන්වා දේ. විසුරුවා හැරීමට පෙර පළාත් සභාවල වියදමට වඩා විසුරුවීමෙන් පසුව පළාත් සභාවල වියදම රුපියල් කෝටි 16,341 කින් වැඩිවීම විශේෂත්වයකි.

2019 වසරේදී පළාත් සභා විසින් උපයා ඇති සමස්ත ආදායම රුපියල් කෝටි 8982 ක් බව මහ බැංකු වාර්තාව පෙන්වා දෙයි. රුපියල් කෝටි 8114 ක බදු ආදායමෙන් සහ රුපියල් කෝටි 868 ක බදු නොවන ආදායමෙන් එම සමස්ත ආදායම සමන්විතවී ඇත.

2019 වසරේ පළාත් සභාවල සමස්ත වියදම රුපියල් කෝටි 30,860 කි. ආදායම හා වියදම අතර වෙනස රුපියල් කෝටි 21,878 කි. මධ්‍යම රජය මෙම වෙනස පියවා ගැනීමට උරදේ. වසරේ පුනරාවර්තන වියදම රුපියල් කෝටි 27,621 කි. ප්‍රාග්ධන වියදම රුපියල් කෝටි 3239 කි.

බස්නාහිර, වයඹ සහ මධ්‍යම යන පළාත් සභා තුන 2019 දී විශාල වශයෙන් වියදම් දැරූ පළාත් සභා බවට පත්ව ඇත.

පළාත් සභා වෙනුවෙන් දැරීමට සිදුවන මෙම වියදම හේතුවෙන් මධ්‍යම රජයේ අයවැය මත එල්ල වන මෙම පීඩනය ලිහිල් කිරීමට නම් පළාත් සභාවල ආදායම් උත්පාදනය ඉහළ නැංවීමත්, වියදම් තර්කානුකූලව සිදුකළ යුතු බවත් 2019 මහබැංකු වාර්තාව පෙන්වාදේ.

Leave a Reply

අදහසක් තබා යන්න

කරුණාකර ඔබගේ අදහස් ඇතුළත් කරන්න.
කරුණාකර ඔබගේ නම ඇතුලත් කරන්න

- Advertisment -

ජනප්‍රිය ලිපි

වැරදි ඖෂධ යවා අන්ධ කළ තරුණයාට රු. ලක්‍ෂයක් දෙයි

කොරෝනා සමයේ මීරිගම මූලික රෝහලේ සායනයකින් තැපැල් මගින් නිවසට එවූ ඖෂධයක් හේතුවෙන් පෙනීම අහිමි වූ මීරිගම, වැවහේනේ පදිංචි ලෙනින් නිරෝෂන් නැමති 16...

ජනමත විචාරණයකට අපි සූදානම්

විසි වැනි සංශෝධනය සම්මත කිරීම සඳහා පාර්ලිමේන්තුවේ තුනෙන් දෙකකට අමතරව ජනමත විචාරණයක් ද අවශ්‍ය බවට ශ්‍රේෂ්ඨාධිකරණය තීරණය කළහොත් ඒ අනුව ක්‍රියා කිරීමට...

විගණන කොමිසම අහෝසි කිරීම රජයේ මුදල් ගඟේ මූදේ දැමීමක්

20න් විගණන කොමිසම ඉවත් කිරීම හේතුකොටගෙන රාජ්‍ය සමාගම් 117ක් ඉවත් වන බවත් ඒ හරහා රුපියල් කෝටි 74,300ක වත්කම් සහිත ආයතන විගණනයෙන් ඉවත්...

පොල් මිල පාලනයට ආණ්ඩුව විහිළු සපයනවා

පොල් මිලදී ගන්න ටේප් පටියක් අරන් පොළේ යන්නැයි ජනතාවට කියමින් පොල් මිල පාලනයට ‘විහිළු’ සපයන්නට ආණ්ඩුව පටන් ගෙන තිබෙනවා. ඉදිරියටත් ටේප් පටි...

පාඨක අදහස්