31 C
Colombo
Sunday, October 25, 2020
මුල් පිටුව ආර්ථික පොල්තෙල් ගැසට්ටුව විකෘති කර පාම් ඔයිල් ටොන් 240,000ක් ආනයනය කරයි

පොල්තෙල් ගැසට්ටුව විකෘති කර පාම් ඔයිල් ටොන් 240,000ක් ආනයනය කරයි

සියළු තෙල් නිෂ්පාදකයින් ආනයනකරුවන්, බෙදාහරින්නන් හා වෙළෙන්ඳන් වෙත නිකුත් කර ඇති 2016 ඔක්තෝබර් 07 අංක 195/5 යන ගැසට්ටුවේ (ඔ) ඡේදය මගින් විකෘතියක් කරමින් කූට වෙළෙන්දන්ට පොල්තෙල් හා ආදේශිත තෙල් කවලම් කිරීමේ අවස්ථාව සලසා දී ඇති බවට සමස්ථ ලංකා පොතෙල් නිෂ්පාදකයින්ගේ සංගමය චෝදනා කරයි.

ඔවුන් ඊයේ (14) කොළඹ නිපෝන් ආයතනයේ මාධ්‍ය හමුවක් පවත්වමින් මේ බව හෙළිදරව් කළේය.

එහිදී අදහස් දැක්වූ එම සංගමයේ කැඳවුම්කරු බුද්ධික ද සිල්වා මහතා කියා සිටියේ දේශීය පොල්තෙල් නිෂ්පාදකයින් ආරක්ෂා කිරීමට නම් අදාළ ගැසට්ටුව ඉවත් කළ යුතු බවයි.

මෙරට පරිභෝජනය සඳහා ඕනෑම අහිතකර මිශ්‍ර තෙල් වර්ගයක් ගෙන්වීමට ගැසට් නිවේදනයකින්ම අවසර ලබාදීම පිළිබඳව කනගාටු වන බවත් මේ පිළිබඳව ජනාධිපතිවරයා දැනුවත් කළද මෙතෙක් නිසි පිළිතුරක් තම සංගමයට නොලැබුණු බවද හෙතෙම පැවැසීය.

මේ වන විට ශ්‍රී ලංකාව වසරකට මෙට්‍රික් ටොන් 2,40,000ක පාම් තෙල් ආනයනය කරන බවත් මේ මගින් මහා පරිමාණ ජාවාරම්කරුවන්ට රුපියල් මිලියන 20,000ක පමණ අමතර ලාබයක් ලැබෙන බවද ඔහු කියා සිටියේය.

පොල් තෙල් පරිභෝජනයට වඩා පාම්තෙල් පරිභෝජනය ශරීරයට ඉතාමත් අහිතකර බවත් එම තෙල්වල අඩංගු ඉතා ඉහළ මේද අම්ල ප්‍රතිශතය ඉතාමත් භයානක පිළිකාකාරකයක් බවද එහිදී හෙතෙම කියා සිටියේය.

මැලේසියාව, ඉන්දුනීසියාව වැනි රටවල ප්‍රමිතීන් අනුව පිරිපහදු කළ පාම්තෙල්වල අඩංගු මේද අම්ල ප්‍රතිශතය 5%ක් වුවද අප රටට ආනයනය කරන පිරිපහදු නොකළ පාම් තෙල්වල එම ප්‍රතිශතය 20% තරම් ඉහළ අගයක් ගන්නා බව ඔහු පැවැසීය.

මෙහිදී වැඩිදුරටත් අදහස් දැක්වූ එම සංගමයේ කැඳවුම්කරු බුද්ධික ද සිල්වා මෙසේද පැවැසීය.

අපේ රටේ වසරකට පොල් තෙල් පරිභෝජනය මෙට්‍රික් ටොන් එක්ලක්ෂ අසූදහසක් වෙනවා. මේ රටේ පරිභෝජනයට අවශ්‍ය පොල් තෙල් දේශීය පොල් තෙල් නිෂ්පාදකයන්ට නිපදවන්න හැකියාව තියෙනවා.

අපි ඉල්ලන්නේ ඒ සඳහා අවශ්‍ය අමුද්‍රව්‍ය සහ යන්ත්‍ර පහසුකම් අපිට ලබාදෙන්න කියලා. පොල් තෙල් මෙට්‍රික් ටොන් දෙලක්ෂ හතළිස්දාහක් පමණ ආනයනය කරනවා. අපේ රටේ කර්මාන්තකරුවන්ට අවශ්‍ය පහසුකම් ලබාදෙනවා නම් තවත් රටවල්වලින් විශාල මුදල් ප්‍රමාණයක් වැයකර තෙල් ආනයනය කරන්න අවශ්‍ය නෑ.

අපි රජයෙන් ඉල්ලා සිටින්නේ මේ කඩා වැටෙමින් තියෙන දේශීය පොල් තෙල් කර්මාන්තය නගා සිටුවන්න සහනදායී පොලියට ණය පහසුකම් ලබාදෙන්න කියලා. පිටරටකින් පොල් තෙල් ආනයනය කිරීම වෙනුවට කොප්පරා සහ කැබලි කළ පොල් ආනයන කරන්න ඉඩ ලබාදුන්නා නම් අපිට ඒ මගින් දේශීය පොල් තෙල් නිෂ්පාදනය වැඩිකරගන්න පුළුවන්.

Leave a Reply

අදහසක් තබා යන්න

කරුණාකර ඔබගේ අදහස් ඇතුළත් කරන්න.
කරුණාකර ඔබගේ නම ඇතුලත් කරන්න

- Advertisment -

ජනප්‍රිය ලිපි

මිනුවන්ගොඩ-පෑලියගොඩ පොකුර 4000 ඉක්මවයි

මිනුවන්ගොඩ හා පෑලියගොඩ කොරෝනා පොකුරෙන් අද (24) පස්වරු 11.30 වන විට තවත් ආසාදිතයන් 92 දෙනකු වාර්තා වී තිබේ. නිරෝධාන මද්‍යස්ථානවල සිටින කිසිවකු ඊට...

මදුෂ් ඝාතනයට එරෙහිව මූලික අයිතිවාසිකම් නඩුවක්

සමරසිංහ ආරච්චිලාගේ මධූෂ් ලක්ෂිත නොහොත් සංවිධානාත්මක අපරාධ කල්ලි නායකයකු හා මත්ද්‍රව්‍ය ජාවාරම්කරුවකු බවට සැකකෙරෙන මාකඳුරේ මධුෂ්ගේ ඝාතනය සම්බන්ධයෙන් මුලික අයිතිවාසිකම් නඩුවක් ද...

සහරාන්ගේ බිරිඳගෙන් ප්‍රශ්න කිරීම මාධ්‍යයෙන් සඟවයි

හිටපු ජනාධිපති මෛත්‍රීපාල සිරිසේන මහතා අද (24) පෙරවරුවේ 6වන දිනටත් පාස්කු ඉරුදින ත්‍රස්ත ප්‍රහාරය පිළිබඳ විමර්ශනය කරන ජනාධිපති කොමිසම වෙත පැමිණියේය. මේ වන...

පෞද්ගලික රෝහලක් කෝවිඩ් රෝගීන් සැඟවීමේ උත්සහයක

පෞද්ගලික රෝහලක කොවිඩ් ආසාදිතයින් දෙදෙනෙකු හදුනාගෙන ඇති අතර එය සෞඛ්‍ය අංශ වෙත නොදන්වා යටපත් කිරීමේ උත්සාහයක් පවතින බව වාර්තා වේ. එම ආසාදිතයින් දෙදෙනාගෙන්...

පාඨක අදහස්